Zënter Jore gëtt et zu Lëtzebuerg e Mangel un Ingenieurinnen an Ingenieuren. Laut enger rezenter Etüd vun IDEA gehéieren Ingenieuren zu de Beruffer, déi am stäerkste gesicht ginn, wärend vill Posten iwwer Méint oder souguer Jore vakant bleiwen.
An engem Interview um radio 100,7 huet eise President Thierry Flies drop higewisen, datt den Ingenieursberuff eng Schlësselroll spillt bei den aktuellen Erausfuerderungen: Digitaliséierung, kënschtlech Intelligenz, Energietransitioun an Dekarboniséierung kënnen net ouni Ingenieuren ëmgesat ginn. Och wann ëmmer méi Jonker – an och méi Fraen – sech fir Ingenieursstudien entscheeden, ass dësen Trend nach ze lues a mécht sech um Aarbechtsmarché nach net bemierkbar.
Als Association des Ingénieurs et Scientifiques du Luxembourg engagéiere mir eis dofir, de Beruff méi bekannt ze maachen a Jonker fir eng Carrière an de STEM-Beräicher ze begeeschteren. D’Zukunft vun eiser Wirtschaft an eiser Gesellschaft brauch Ingenieurinnen an Ingenieuren.
Den Interview nolauschteren: https://100komma7.lu/…/2026-05-27%2007-19-47%20radio…
